Во САД има неколку мотори кои им се омилени на тјунерите, а еден од нив е V8 на General Motors.
Токму овој V8 има исклучително многу обожаватели, делумно поради ниската цена, но и поради фактот дека е мотор на кој може да сметате. Благодарение на неговата компактност, може да му дадете огромна моќност без да се плашите дека ќе се распадне.
Затоа не зачудува сознанието дека може да го видиме во различни модели, од Camaro до пикап, но и во преработки на стари Volvo возила или јапонските спортски модели.
Кога станува збор за тјунинг преработки, високо на листата котира австралиската компанија Race Cast Engineering чиј тим успеа да состави V12 атмосферски мотор со капацитет од неверојатни 9,5 литри.
Моментално дава околу 750 коњски сили и максимален вртежен момент од 815 Nm, а пробно беше вграден во комби на Kia.
Цената на овој ѕверски мотор е 55.200 долари, а за дополнителни 1.000 долари ќе добиете изведба од најмалку 1.000 коњски сили.
Како звучи оваа ѕверка слушнете од видеото на Fullboost:
