Една доза вакцина против коронавирусот најверојатно нема да биде доволна за ефиксна заштита, тврдат експерти. Оваа теорија зема замав, особено по истражувањата кои покажуваат дека антителата во организмот исчезнуваат по само неколку недели, односно месеци.
Тоа значи дека имунитетот на коронавирусот по примањето на вакцината би бил привремен, објави американски Business Insider.
Затоа експертите сметаат дека луѓето ќе мора да примат најмалку две дози од вакцината за да им даде ефикасна заштита од коронавирусот. Некои стручњаци сметаат дека ќе треба редовно да се прави ревакцинација.
Некои фармацевтски компании веќе се подготвуваат за можноста да бидат бидат потребни најмалку две дози за секој човек на Земјата. Меѓу нив се гигантите Pfizer и Moderna.
Сепак, предизвикот ќе биде да се убедат луѓето да примат две дози. Веќе постои проблем во тоа што помалку од една третина од младите жени не сакаат да ја примат втората доза од вакцината против ХПВ, а тоа е потребно за ефикасна заштита. Тоа не е единствениот проблем.
Ако се покаже дека ќе биде потребно да се примат две дози, тогаш тоа значи дека ќе мора да се произведат повеќе ампули и инјекции и дека луѓето ќе треба двојно повеќе пати да ги посетат здравствените установи.
Претпоставката за потенцијално честото вакцинирање произлегува од мислењето на експертите дека луѓето би можело да се заразуваат со новиот коронавирус повеќепати, што не е случај со некои други вируси.
Но, не постои јасен доказ дека тоа е навистина така.
Во насока на траењето на заштитата од вакцината, британско-шведската фармацевтска компанија AstraZeneca која има вакцина во развој заедно со научници од Универзитетот Оксфорд, вели дека нивната вакцина ќе штити од коронавирусот околу една година. Во тек се испитувања и ако се покажат успешни, ќе бидат произведени 2 милијарди дози.