Европската агенција за лекови потврди дека вакцината на AstraZeneca е безбедна и ефикасна вакцина против коронавирус.
Како што изјавија на прес-конференцијата, оваа вакцина не предизвикува тромбоза, како што се сомневаа.
Наведоа дека ваквите случаи се ретки, дури и на 20 милиони вакцинирани.
Да се потсетиме, многу земји во ЕУ го прекинаа вакцинирањето со вакцината на AstraZeneca поради случаи на тромбоза и крварење - повеќето од нив објавија дека ќе ја почекаат проценката и препораката на ЕМА.
ЕМА и СЗО претходните неколку денови препорачаа да продолжи имунизацијата со вакцината на AstraZeneca додека траат анализите.
„Донесовме заклучок. Ова е безбедна вакцина која помага. Не е поврзано со случаите со тромбоза. Препорачуваме да се истакнуваат можните нуспојави, а ќе спроведеме и дополнителна истрага за овие ретки случаи“, рече директорката на ЕМА, Емер Кук.
Таа потсети дека околу 7 милиони луѓе ја примија вакцината против коронавирус во ЕУ, како и дека се вакцинирани 11 милиони Британци.