Ново истражување објавено во New England Journal of Medicine покажа дека две дози на вакцината на американската компанија Moderna против COVID-19 произведуваат антитела и по шест месеци.
Истражувањето продолжува за да се види колку долго антителата може да се детектираат кај вакцинираните луѓе.
Високото ниво на антитела е откриено кај вакцинирани на сите возрасни групи, а кои учествувале во клиничко истражување. Повеќе имало кај помладите отколку кај повозрасните луѓе.
Експертите ќе продолжат да ги следат учесниците во студијата за да откријат кога престанува заштитата и за колку би се продолжила со дополнителните дози вакцина.
Втора студија покажа дека вакцината на американската вакцина Pfizer е ефикасна во скоро 92% по шест месеци. Процентот за Moderna не е наведен, но двете вакцини се покажаа како многу ефикасни против тешки облици на COVID-19.
Според Центарот за контрола и превенција на болести во САД, до вчера се вакцинирани повеќе од 108 милиони луѓе, скоро 33% од популацијата примиле една доза, додека повеќе од 63 милиони ги примиле двете дози против коронавирус.