Вакцинирани 764 здравствени работници, до крајот на месецов се очекуваат и останатите вакцини

Во земјава до вчера против COVID-19 се вакцинирани 764 здравствени работници. Имунизацијата на здравствените работници со вакцината од производителот Pfizer се одвива во модуларната болница на Клиниката за инфективни болести во Скопје, каде се поставени шест вакцинални позиции и се работи во две смени од 8 часот наутро до 20 часот, од понеделник до сабота.

Министерот за здравство Венко Филипче вчера изјави дека се очекува до крајов на месецов да пристигнат и останатите вакцини.

– Веќе добро функционира системот на закажување, близу 95 илјади граѓани се пријавени преку веб-страницата vakcinacija.mk или преку матичните лекари. Од нив, 44 илјади се граѓани на возраст над 70 години со хронични болести, значи се таа прва приоритетна група на граѓани која треба да бидат вакцинирани по медицинскиот кадар. Веднаш кога ќе пристигнат вакцините, за разлика од сегашните вакцини тие ќе бидат дистрибуирани до сите вакцинални пунктови во земјава и ќе започне масовното вакцинирање на населението, рече министерот Филипче.

Тој посочи дека ќе се направи проценка и дали треба да се набават и содветни количини од руската вакцина против COVID-19.

Премиерот Зоран Заев вчера изјави дека земјава нарачала толку вакцини против COVID-19, колку што Комисијата за заразни болести, според нејзината проценка, оценила дека е доволно за да се постигне колективен имунитет.

– Така што дефинитивно сме направиле чекори, сме потпишале договори, некаде авансно сме платиле или слично за да ги обезбедиме тие количини. Ако продолжиме да порачуваме вакцини Спутник V, следна веројатно е AstraZeneca, па нови количини од Pfizer, па нови количини од Sinopharm и ќе се затекнеме да има пет милиони вакцини во државата. Тоа е недозволиво заради рационалноста и наменското трошење на јавните пари. Затоа сме направиле договори толку колку што имаме потреба согласно националниот план за вакцинација на граѓаните во Република Северна Македонија. Ако се откаже дел од нарачките и се анулира дел од нарачката веројатно следни за нарачка ќе бидат токму Спутник V вакцините, рече Заев.

Лидерот на ВМРО-ДПМНЕ Христијан Мицкоски вчера обвини дека практично нема никаква комуникација помеѓу Владата и држави производители на вакцините, меѓу која е и Русија.

Според него, не важно потеклото на вакцините „дали е од Кина, дали е од Русија, дали е од Европската унија, дали е од САД. Час поскоро вакцината треба да се донесе, да може оние граѓани кои што сакаат да се вакцинираат, да се вакцинираат, да спасиме живот повеќе, да спасиме здравје“, рече Мицкоски.

Вчерашните податоци на Инстиитутот за јавно здравје покажуваат благ пораст на бројот на заболени од COVID-19. Според вчерашниот извештај, во претходните 24 часа се евидентирани нови 449 случаи на заболени од COVID-19, 227 оздравени пациенти и 10 починати лица.

Бројот на активни случаи во земјава изнесува 6.735 од кои 2.952 се во Скопје. Вкупниот број пациенти позитивни и суспектни на коронавирусот кои се лекуваат на инфективните оддели во низ земјава е 622, има околу 420 празни болнички кревети во ковид-центрите.

Од почетокот на епидемијата со коронавирусот во нашата земја вкупно се регистриарни 99.031 заболени лица, бројот на оздравени пациенти е 89.249, а на починати е 3.047.

реклама

Баљум Баљум и Тетово велоград

Read more

Австрија ќе испрати 651.000 дози вакцини од ЕУ за Западен Балкан

Read more

Кран го донесе огромниот кревет во новата вила на Роналдо

Read more

Комисијата за заразни болести препорача продолжување на рестриктивните мерки

Read more

Македонија

Комисијата за заразни болести препорача продолжување на рестриктивните мерки

Read more

Облачно со повремен дожд и грмежи

Read more

Стигна првата пратка од 10.530 дози од вакцината Pfizer

Read more

Од утре аплицирање за поддршка на платите и детали за шестиот антикризен пакет

Read more
 

Вести

Австрија ќе испрати 651.000 дози вакцини од ЕУ за Западен Балкан

Читај повеќе

Америка ја чека пресудата за убиството на Џорџ Флојд

Читај повеќе

Комисијата за заразни болести препорача продолжување на рестриктивните мерки

Читај повеќе

Облачно со повремен дожд и грмежи

Читај повеќе

Стигна првата пратка од 10.530 дози од вакцината Pfizer

Читај повеќе

Од утре аплицирање за поддршка на платите и детали за шестиот антикризен пакет

Читај повеќе

Филипче: Младиот Иле полека заздравува

Читај повеќе

Костадиновска Стојчевска тврди дека не сторила кривично дело, Битиќи со поддршка: „И јас сум Бисера“

Читај повеќе

СЗО ја продолжува меѓународната здравствена вонредна состојба

Читај повеќе