Ново истражување покажа дека вакцините против COVID-19 развиени од Pfizer/BioNTech и AstraZeneca се ефикасни против варијантите делта и капа, идентификувани за првпат во Индија.
Истражување на научници од Универзитетот Оксфорд, објавено во списанието Cell ја утврдило способноста на антителата во крвта на луѓето кои примиле две дози дека ја неутрализираат високо заразната варијанта.
„Сегашната генерација вакцини ќе даде доволна заштита против вирусната варијанта B.1.617“, се наведува во истражувањето.
Сепак, концентрацијата на неутрализирачки антитела во крвта е помала што би можело да доведе до одреден број заразени, предупредуваат научниците.
Минатата недела анализата на Англиската агенција за јавно здравје покажа дека вакцините на Pfizer и на AstraZeneca даваат висока заштита поголема од 90% од хоспитализација од варијантата делта на SARS-C0V-2.
Оваа варијанта станува глобално доминантна, соопштија претходно од СЗО.
Научниците од Оксфорд ја анализираа и зачестеноста од реинфекција кај луѓето кои прележале COVID-19. Ризикот со повторна зараза од делта варијантата се покажал особено висок кај луѓето заразени со варијантите бета и гама, настанати во Јужноафриканската Република, односно Бразил.
Претходна инфекција со варијантата алфа (B117), откриена во Велика Британија, дава разумна заштита од сите варијанти кои се загрижувачки па ми можела да биде темел за развој на нови генерации вакцини.
