Ф1

Валтери Ботас го наследи Нико Розберг во Мерцедес

16. јануари 2017 - 16:48 | Макфакс

Финецот Валтери Ботас е новиот возач на Мерцедес, објави германскиот формула тим.

Дваесет и седумгодишниот фински возач, кој во екипата го наследи актуелниот светски шампион Нико Розберг кој се пензионира, двапати во досегашната кариера завршил на подиумот на второто место, и тоа во 2014 година на Силверстон и на Хокенхајм.

Ботас во Формула 1 четири години помина во тимот на Вилијамс, а шефот на Мерцедес, Тото Волф, бираше меѓу него и Паскал Верлен.

На крај се одлучи за Финецот, што покрена реакција и во другите тимови.

Така, Верлен отиде во Заубер, додека местото на Ботас во Вилијамс го зазеде Фелипе Маса, кој се прости на крајот на мината сезона од натпреварувањата, но сепак одлучи повторно да учествува.

Коментирај