Вирхил ван Дајк (33) на крајот од сезоната го напушта Ливерпул, пренесуваат светските медиуми. Холандскиот стопер сака промена на средината и најверојатно повеќе нема да го носи дресот на „црвените“.
Иако сè уште е меѓу најдобрите дефанзивци во Премиер лигата, Ван Дајк реши да си замине, а шпанскиот весник Fichajes пишува дека би можел да се пресели во Пари Сен Жермен, а претходно се споменуваше и Баерн.
Ливерпул на тој начин би можел да остане без тројца клучни играчи со оглед на тоа што Трент Александер-Арнолд речиси сигурно оди во Реал Мадрид, а Мохамед Салах има понуди од Саудиска Арабија.
Ван Дајк пристигна во Ливерпул во јануари 2018 година од Саутемптон за 85 милиони евра и брзо стана клучен играч и капитен по заминувањето на Џордан Хендерсон.
