Рафаел ван дер Варт (41), легенда на холандскиот фудбал, сега работи како коментатор на националната телевизија NOS. Екс играчот на Ајакс, Хамбургер и Реал Мадрид остро ја критикуваше Англија. Тоа го направи откако Англија ја победи Холандија (2:1) и се пласира во финалето на ЕУРО 2024.
„Англија е ср*ње од тим. Имаат врвни играчи, но играат толку лошо, како ништо да не можат“, изјави Ван дер Варт за Англија, но ја критикуваше и репрезентацијата за која одигра 109 натпревари: „Ниту ние не покажавме многу. Моравме да направиме повеќе“.
Сепак, тој многу повеќе ги критикуваше Англичаните: „Тие имаат толку многу квалитет во тимот, и покрај тоа не ги мрдаат газовите од својата половина. Тоа е тажно“.
