Холандскиот стратег откри дека барал од управата да му ги донесе тројцата офанзивци додека седеше на клупата на „Црвените ѓаволи“.
Луи ван Хал седна на клупата на Манчестер Јуанјтед во 2014 година заменувајќи го Дејвид Мојс и остана две сезони. И покрај тоа што го освои ФА Купот во 2015/16, доби отказ од клубот кој потоа го донесе Жозе Мурињо.
„Сакав да го донесам Роберт Левандовски, но откако се испостави дека тоа е тешко остварливо пробав да го донесам Гонсало Игуаин“, открива Ван Хал за FourFourTwo.
„Пред да пристигнам ѝ кажав на управата за Нејмар. Кога си дел од Јунајтед, мора да размислуваш на големи работи. И за нив беше интересен поради тоа што неговите дресови многу се продаваат, додека јас сакав брзи крила. Од таа причина пробав да го донесам и Садио Мане, како и Ријад Махрез“, вели Холанѓанецот.
„На мојот список беше и Томас Милер, додека за во средината го барав Н'Голо Канте. Пробав дури и со Џејмс Милнер, кој веќе беше прилично стар, но сѐ уште мултифункционален и поседуваше лидерски вештини“.
Ван Хал сакал осетно да ја засили и одбраната на Јунајтед, но ни во тоа не успеал.
„За во одбраната, ги сакав Серхио Рамос и Матс Хумелс, бидејќи оние кои ги имав не беа добри во градењето игра од позади“.
Од сите овие желби на Вал Хал управата на Манчестер Јунајтед не му донесе ниту еден играч, па оттаму јасно е зошто Холанѓанецот не издржа долго на „Олд Трафорд“.
