Руд ван Нистелрој наскоро ќе стане нов менаџер на Лестер и ќе го наследи Стив Купер.
Купер пред неколку дена доби отказ по 15 натпревари на клупата, а него ќе го наследи Ван Нистелрој, кој последен пат беше вработен во Манчестер Јунајтед.
48-годишниот Холанѓанец му беше помошник на Ерик тен Хaг, а откако стратегот на Јунајтед доби отказ, Ван Нистелрој ја презеде улогата на привремен тренер до доаѓањето на Рубен Аморим и на четири натпревари на клупата на „црвените ѓаволи“ забележа три победи и едно реми.
Ван Нистелрој ќе дебитира на клупата на Лестер во вторник на домашен терен против Вест Хем, а Бен Досон ќе седне на клупата на „лисиците“ на утрешното гостување кај Брентфорд.
Она што е особено интересно е дека Ван Нистелрој сега ќе биде тренер на човекот кој го собори неговиот рекорд. Имено, Ван Нистелрој беше рекордер во Премиер лигата по бројот на последователни натпревари на кои постигна гол (10), а во 2015 година го престигна Џејми Варди.
