Експресно пропадна трансферот на Мауро Икарди во Монако откако неговата сопруга и агент Ванда Нара одби тој да се пресели на француската ривиера.
Не е тајна дека одлуките наместо Аргентинецот всушност ги носи неговата сопруга, проблематичната Ванда. Така е и во овој случај, таа штотуку го минираше неговиот договорен трансфер во Монако.
Откако Интер ја прифати понудата од 65 милиони евра на клубот од кнежеството, остануваше уште Икарди да се согласи. Но, не е битно дали тој сака или не бидејќи трансферот секако нема да се реализира откако неговата сопруга ја одби понудата.
„Не, Мауро нема да оди во Монако“, накратко ги расчисти дилемите во изјава за аргентинскиот канал Tyc Sport.
Сега останува во игра трансфер во Наполи, а се чека и Јуве да испрати понуда.