Сопругата на Икарди сепак не го минираше неговиот трансфер иако за неа и за децата преселбата во француската престолнина претставува лош избор. Откри дека во игра била и Бока Жуниорс.
„Од сите опции кои беа во игра преселбата во Париз беше најлошата можна за мене бидејќи треба да се селам со децата. Но, мислев на него. Имаше бројни клубови во Италија кои го бараа, избор кој ќе беше далеку попрактичен за нас“, изјави Ванда во аргентинското шоу „Morfi, todos a la mesa“ кое всушност го води нејзината сестра Заира.
Ванда и Икарди живееја во Милано цели шест години. Некои од децата им се родија таму, а постарите одеа на училиште. Тоа е причината поради која Ванда не сакаше да си оди.
Таа откри и дека славната Бока Жуниорс била во игра за нејзиниот сопруг. Но, Бока нема финансиски капацитет за да се избори за неговиот потпис.
„Би ми се допаднало доколку еден ден Мауро заигра за Бока. Можам само да си замислам како би било да истрча на тој стадион, иако јас сум за Ривер не би се спротивставувала на таков премин. Меѓутоа од Бока не доставија сериозна понуда“.
