УЕФА беше задоволна од искуството на ВАР системот на СП во Русија оваа година, па затоа сега размислува за воведување на оваа технологија и во Лигата на шампионите.
Британскиот весник Times денеска пишува дека ВАР технологијата би можела да почне да се употребува најрано од четвртфиналето на Лигата на шампионите, доколку комисијата на УЕФА одлучи дека има потреба од тоа.
Раководството на УЕФА, на чело со Александер Чеферин, по повод ова прашање ќе одлучува на 30 август на седницата која ќе се одржи во Монако. На истиот датум ќе биде извршена и жрепката за групната фаза за Лигата на шампионите.
УЕФА претходно беше многу скептична за воведувањето на оваа технологија во најелитното клупско натпреварување, но бидејќи раководството на УЕФА беше импресионирано од работата на ВАР на Светското првенство реши да го стави на дневен ред прашањето за употреба на системот во ЛШ.
ВАР системот оваа сезона ќе се применува во шпанската, италијанската, француската и германската лига.
Video Assistant Referee (VAR) беше развиена во почетокот на 2010 година во Холандија а холандската лига почна да го применува во сезоната 2012/2013. Потоа ВАР почна да се применува во австралиската, германската, италијанската, американската и француската лига.