Фудбалерите на Шведска синоќа во последното коло од Лигата на нации го совладаа Азербејџан со резултат 6:0, а победата на скандинавската селекција можеше да биде поубедлива да не беше скандалозната одлука на судиите во ВАР собата во последните моменти од првото полувреме.
Имено, во 45+2. минута Виктор Ѓекерес го искористи Александар Исак во центарот, а напаѓачот на Њукасл по одличен соло продор шутираше од работ на шеснаесетникот и го матираше Рза Чафаров.
@FIFAcom There is no way this is offside, senseless decision by match fixing referees on VAR. Please fire these incompetent clowns and award the goal to Isak, he deserves his goal pic.twitter.com/rZDkP89sJE
— Simply Intact (@simply_intact) November 19, 2024
Исак го прослави голот за 4:0, полскиот судија Радослав Сиејка покажа на центарот, но потоа му се јави колегата од ВАР собата Павел Малец и му рече да го поништи голот бидејќи Исак е во офсајд.
Но, кога на телевизија беше прикажано во каква ситуација судиите во ВАР собата ја „повлекле“ линијата, беше јасно дека се работи за катастрофална грешка.
I’m crying they gave an offside on Isak when the ball went to Gyökeres in the middle 😂😂🤦🏻🤦🏻🤦🏻 pic.twitter.com/ll91drc8H3
— Siavoush Fallahi (@SiavoushF) November 19, 2024
Имено, линиите беа „исцртани“ во моментот кога топката беше испратена од бековската линија кон Ѓокерес. Точно, во тој момент Исак беше во офсајд, но тој воопшто не влијаеше на играта.
Згора на тоа, Ѓекерес прво се врати со топката, а потоа направи уште неколку чекори и дури потоа му ја додаде топката на Исак, кој беше во дозволена позиција при тоа додавање.
„Како е можно ова, ама сериозно? Ова е најлошата грешка што сум ја видел во мојот живот. Сум видел многу судиски грешки во мојата кариера, но оваа е нешто посебно. На полувремето им пријдов на ВАР судиите и влегов во расправија со нив, но тие останаа на тоа дека ја донеле вистинската одлука“, изјави Исак по средбата.