Македонскиот првак Вардар оствари убедлив триумф од 38:25 над Војводина во првиот меч од четвртфиналето на СЕХА лигата.
Гостите од Нови Сад дојдоа со подмладен тим, па „Црвено-црните“ немаа поголеми проблеми да дојдат до победата. Ќе следи и реванш, но Вардар е блиску до пласман на завршниот Ф4 турнир.
Вардар стартуваше со серија од 5:0, а на полувремето имаше 10 гола предност (21:11). Во второто полувреме продолжи доминацијата на македонскиот шампион кој на крајот обезбеди позитива од 13 гола (38:25).
Јан Чувара постигна 10 гола во тимот на Вардар, а Куни Моралес беше стрелец на 8 погодоци. Кај голманите Мартин Томовски имаше 7, а Васил Гогов 5 интервенции.
