Европскиот шампион Вардар во осминафиналето на Лигата на шампионите ќе се соочи со екипата на ПИК Сегед од Унгарија.
Првиот дуел од осминафиналето се игра во периодот од 18 до 22 март во Скопје, а реваншот е во периодот од 25 до 29 март во Сегед, Унгарија.
Победникот од дуелот ќе игра во четвртфиналето со победникот од дуелот помеѓу Висла и Веспрем.
Во групната фаза сезонава екипата на ПИК Сегед го освои 3. место во А групата со 20 бода, 9 победи, 2 нерешени средби и 3 порази. Најголемиот успех на екипата е пламан во четвртфиналето на ЛШ каде играше четири пати во последните шест години.
Двојките за осминафиналето се:
Динамо Букурешт – ПСЖ
Висла – Веспрем
Вардар – ПИК Сегед
Целје – Кјелце
Пoрто – Олборг
Флензбург – Монпелје
Екипите на Барселона и на Кил директно се пласираа во четвртфиналето бидејќи беа првопласирани во своите групи.