Македонскиот ракометен првак Вардар 1961 официјално обезбеди место во осминафиналето на Лигата на шампиони, откако Европската ракометна федерација денеска му додели службена победа за неодиграниот натпревар против белоруски Мешков.
Извршниот комитет на ЕХФ, како што официјално е соопштено, одлучи двата неодиграни натпревари на Мешков против Вардар и Кил да ги регистрира со службен резултат 10:0 во корист на противниците на белорускиот шампион.
Со новите 2 бода Вардар е на 5. место во група А со 11 бодови со што „Црвено-црните“ се пласираа во нокаут-фазата во Лигата на шампиони.
Извршниот комитет на ЕХФ претходно одлучи да ги суспендира сите клубови и репрезентации од Русија и Белорусија од учество во сите тековни и тековни активности на ЕХФ до натамошно известување поради инвазијата на Украина.
Во осминафиналето, односно плеј-офот, Вардар ќе се сретне со стариот познаник Веспрем.
