Вардар го освои и петтиот трофеј годинава, и повторно се запиша во историјата на македонскиот ракомет, како победник на првиот Супер Куп на Македонија.
Во натпреварот што е најава за почетокот на сезоната во домашното првенство Вардар со резултат 30:25 (19:12) го победи Еурофарм Работник.
Годинава Вардар прво триумфираше во регионалната СЕХА лига, потоа во домашниот Куп, во ЕХФ лигата на шампионите и домашното првенство, комплетирајќи ја најплодната клупска сезона во историјата.
Вардар настапи и на Супер Глоуб во Катар (неофицијалното клупско светско првенство) каде го освои третото место.
Вардар ја оправда фаворитската улога против Еурофарм Работник, дури и со комбиниран тим, со бројните измени во седморката и играњето на оние што што поретко влегуваат во игра.
Вардар настапи без Страхиња Милиќ, Лука Циндриќ, Игор Карачиќ, Вуко Борозан кои поради правилото на ограничување на бројот на странски ракометари останаа на трибините заедно со Владо Недановски.
Затоа голманот Даниел Ѓорѓески доби доверба да брани цел натпревар, а во второто полувреме истата шанса ја добија и Тоше Ончев и Мартин Поповски.
По пауза од неколку натпревари во екипата се врати Рожерио Мораеш.
Шишкарев, Кристопанс и Канељас со по четири гола беа најефикасни во редовите на актуелниот европски првак.
