Македонскиот шампион славеше над актуелниот лидер во српското првенство во својот прв натпревар од новата сезона во СЕХА лигата.
Вардарци во ниту еден момент не ја доведоа победата во прашање на денешниот натпревар. Гостите од Нов Сад поведоа само на стартот кога го постигнаа првиот гол на натпреварот, потоа Вардра направи пресврт и само ја зголемуваше и одржуваше разликата. Најчесто водеше со 5 или 4 голови разлика, а во еден момент во вториот дел на креатко поведе и со +6. На крајот резултатот на семафорот во салата „Јане Сандански“ гласеше 25:21.
Тимур Дибиров имаше 100-постотна реализација од седум метри погодувајќи 4 пенали, а покрај него најефикасен во македонскиот табор беше и Гоце Георгиевки со истото толку голови, 4, но сите од игра. Борко Ристовски одбрани 9 од 30 удари, а на спротивната страна двата српски голмани заедно имаа помалку одбрани. Најфикасен на натпреварот беше Младен Шотиќ од таборот на Војводина кој денеска беше непогрешлив реализирајќи 6 од 6 пенали и 2 од 2 од игра.
Наредниот натпревар на Вардар е закажан за во понеделник, повторно на домашен терен, а противник е хрватскиот Нексе.
Во новава сезона Вардар е во групата Б каде се Војводина, Нексе и украински Мотор. Денешниов беше втор натпревар бидејќи Нексе ја совлада Војводина со 24:23 уште во декември.
Актуелен шампион е Веспрем кој во финалето го совлада токму Вардар, кој пак претходно врза три титули во низа.