Познатиот швајцарски тенисер Станислас Вавринка го шокираше Даниил Медведев победувајќи го со 2:1 во осминафиналето на АТП турнирот во Мец. Резултатот во сетови беше 6:4, 6:7 и 6:3.
Вавринка на 38 години повторно игра добар тенис. Иако моментално е 284. тенисер во светот и се врати од пензија, синоќа се потсети на најдобрите денови во кариерата откако го совлада четвртиот тенисер во светот.
Во првиот сет „најтешкиот“ седми гем беше кобен за Медведев. Таму Швајцарецот направи брејк и лесно го спаси за да го освои првиот сет.
Вториот дел од играта донесе вистинска драма и тај-брејк. Таму Медведев спаси меч топка и во голема драма со 9:7 израмни на 1:1 во сетови. Од него се очекуваше рутински да ја заврши работата во третиот сет против ветеран кој ни малку не е физички подготвен за тенис на високо ниво.
Но, Вавринка го одигра најдобриот можен тенис и приреди една од најголемите сензации годинава со 6:3 добивајќи го третиот сет.
Во четвртфиналето Вавринка денеска ќе игра против шведскиот тенисер и 100. светски играч Микаел Имер. Доколку го повтори синоќешниот натпревар, сигурно ќе има шанса да се пласира во полуфиналето.
