Луѓето родени во овој знак тежнеат кон рамнотежа и избегнуваат ситуации во кои се принудени да бираат нечија страна. Константно се стремат кон рамнотежа меѓу духовното и материјалното, а по природа се благи луѓе кои не сакаат караници и по секоја цена избегнуваат конфликти.
Многу се емотивни, шармантни и интуитивни. Станува збор за луѓето родени во знакот на Вага. Понекогаш умеат да бидат неодлучни во носењето одлуки, но такви затоа што во сè ја гледаат и добрата и лошата страна.
Но, ако треба работите да се држат под контрола, се тргаат и ја преземаат главната улога. Понекогаш знаат да влезат во расправија, но на крајот ако сфатат дека не биле во право, тоа искрено ќе го признаат.
Инспирација наоѓаат во книгите, интересните дискусии и дружењето со интересни луѓе. Знаат како да се релаксираат, одморат и забавуваат, но ако треба да направат нешто сериозно, тоа го прифаќаат внимателно и педантно.
Сакаат убави работи и убави луѓе, и самите се такви. Во себе имаат природна грациозност, внимаваат на изгледот, особено на фризурата. Делуваат младолико и често имаат посветол тен. Секогаш оставаат впечаток на уредна и негувана личност.
Уживаат да бидат опкружени со уметност, музика и убави работи. Често се занимаваат со креативни професии, а работната атмосфера особено им е важна, понекогаш и пресудна дали ќе прифатат некоја работа или не.
Сакаат пари и сакаат кога можат да си купат убави работи, да излегуваат на убави места, да јадат вкусна храна, да патуваат.
Сепак, најсреќни се кога сè околу нив е во хармонија и сите се среќни.