Без разлика на тоа што сте во врска, сепак постојат некои работи од кои не треба да се откажете.
Можеби сте ја пронашле личноста која ви одговара и ве сака, меѓутоа вашиот личен живот и понатаму продолжува да тече, па затоа постојат работи кои не треба да прекинете да ги правите откако ќе стапите во врска.
Дружење со пријатели
Иако сакате секој момент да го поминете заедно со партнерот, сепак никогаш не треба да се заборава на пријателите, посебно не на оние кои биле со вас и пред да стапите во врска. Поради тоа важно е добро да си го распоредите времето, за да не запоставите некоја личност која ви значи.
Самостојно носење на одлуки
Секако дека сега сте двајца и некои одлуки треба да ги донесувате заедно. Меѓутоа тие заеднички одлуки се однесуваат на вашиот однос и врска, а не во правец кој би можел да влијае на вашата лична кариера или нешто друго што се однесува само за вас.
Време само за вас
Ако посакате во петок навечер да останете дома и сами да си ја гледате омилената серија, тогаш вашиот партнер би требало да има разбирање за тоа. Исто како што и вие треба да имате разбирање за неговото хоби. Тоа се вика компромис и е еден од темелите за здрава врска.
