Изминатава ноќ се одиграа осум натпревари, а ги одбележаа настапите на Јокиќ, Вучевиќ и Кари.
Никола Јокиќ го предводеше Денвер Нагетс до победа над Детроит Пистонс од 134:119, Српскиот центар натпреварот го заврши со 27 поени, 8 скокови и 11 асистенции, но супер помош имаше во Мајкл Портер (25 поени) и Вили Бартон (24). На спротивната страна одлични беа Џерами Грант со 29 поени и Садик Беј со 25.
Чикаго Булс ја совлада Индијана Пејсерс со 113:97, а јунак на домашните беше Никола Вучевиќ. Одличниот Црногорец средбата ја заврши со 32 поена и дури 17 скокови, а запиша и 5 асистенции.
Стеф Кари беше најдобар стрелец на сите ноќешни натпревари воопшто. Тој во тесниот триумф на Голден Стејт Вориорс над Милвоки Бакс од 122:121 постигна дури 41 поен. На спротивната страна Џру Холидеј заби 29, додека Крис Мидлтон 28 поени.
Резултати:
Индијана Пејсерс - Чикаго Булс 97:13
Атланта Хокс - Њу Орлеанс Пеликанс 123:107
Бостон Селтикс - Филаделфија 76ерс 96:106
Торонто Репторс - Лос Анџелес Лејкерс 101:110
Мајами Хит - Мемфис Гризлис 112:124
Денвер Нагетс - Детроит Пистонс 134:119
Голден Стејт Вориорс - Милвоки Бакс 122:121
Лос Анџелес Клиперс - Портланд Треил Блејзерс 133:116