Фудбалската федерација на Македонија ја информираше јавноста дека за вечерашниот натпревар против Англија нема да има влегување на стадион во 5 за 12.
Од ФФМ информираа дека вратите на Националната арена „Тодор Проески“ ќе бидат отворени за влегување на публика од 18:15 часот, а ќе се затворат половина час пред почетокот на натпреварот, односно во 20:15 часот. По тоа време оние што не успеале да влезат нема да бидат пуштени, без разлика што имаат билет.
„Навременото доаѓање на стадионот ќе биде од корист за сите бидејќи нема да создава метеж пред влезовите на Националната арена“, вела од ФФМ.
ФФМ апелира и на фер и коректно навивање.
Со натпреварот Македонија - Англија нашата репрезентација ќе ги затвори неуспешните квалификациите за пласман на ЕУРО 2024 во Германија.
