За денеска се закажани три нови изведби од програмата Култура во време на корона.
Во 19 часот, токму кога ќе почне и полицискиот час, во Скопје Север жителите на околните згради ќе имаат можност да ја проследат театарската претстава „Westside concept“, на театарот Westside.
Потоа од 20 и 30 часот во паркот во Кисела Вода концерт ќе одржи „Амон Мра Бенд“.
Вечерта ќе ја затвори сетот на Мирко Попов кој својот настап на тврдината Кале ќе го почне од 22 часот.
Како и досега, и денешните настапи ќе бидат пренесувани онлајн на Facebook и YouTube каналите на Град Скопје.