Со натпреварот Турција - Италија, вечерва од 21 часот стартува Европското фудбалско првенство.
Натпреварот ќе се игра на „Олимпико“ во Рим и е од првото коло во А групата во која се наоѓаат и селекциите на Швајцарија и на Велс.
На ЕУРО 2020 ќе настапи и македонската фудбалска репрезентација.
„Црвено-жолтите“ дебито на континенталните првенства ќе го имаат в недела од 18 часот против Австрија во Букурешт како дел од Ц групата каде се сместени и репрезентациите на Холандија и на Украина.
Б групата ја сочинуваат: Русија, Белгија, Данска и Финска.
Учесници во Е групата се: Чешка, Хрватска, Шкотска и Англија.
Составот на Е групата е: Шведска, Полска, Шпанија и Словачка.
Најтешка, т.н. група на „смртта“ е Ф групата: Германија, Франција, Португалија и Унгарија.
ЕУРО 2020 ќе се игра во 11 градови: Рим, Букурешт, Баку, Копенхаген, Санкт Петербург, Лондон, Амстердам, Глазгов, Севиља, Будимпешта и Минхен.
Од 24 репрезентации, во следната фаза ќе се пласираат двете првопласирани од секоја од шесте групи, како и четири третопласирани кои ќе имаат најдобар биланс.
Европското првенство ќе трае до 11 јули.
