Вечерва започнува 67-то издание на најсилното европско клупско натпреварување, а 30-то откако се вика Лига на шампиони.
Екипите се поделени во осум групи од по четири екипи, а двете најдобри од секоја група ќе се пласираат во нокаут фазата.
Жрепката, која се одржа кон крајот на август, ни гарантира неколку спектакуларни натпревари, а во фокусот на првиот натпреварувачки ден ќе биде дуелот на Ноу Камп, кој ќе се одигра вечерва во 21 часот, во кој Барселона ќе го дочека Баерн.
Европската титула ја брани Челзи, кој се засили пред новата сезона, додека двата најголеми фаворити, според експертите и светските обложувалници, се Пари Сен Жермен и Манчестер Сити.
Од оваа сезона, правилото „гол во гости“ нема да важи во Лигата на шампионите, што треба да донесе многу поголема возбуда и напаѓачка игра во нокаут фазата на натпреварувањето, која започнува на 15 февруари.
Натпреварите од осминафиналето се играат од 15 февруари до 16 март, четвртфиналето е закажано од 5 до 13 април, а полуфиналните натпревари од 26 април до 4 мај.
Финалето ќе се одигра на 28 мај во Санкт Петербург на стадионот „Крестовски“.
Вторник:
Севиља - Салцбург (18:45 ч.)
Јанг Бојс - Манчестер Јунајтед (18:45 ч.)
Барселона - Баерн (21:00 ч.)
Челзи - Зенит (21 часот)
Динамо Киев - Бенфика (21 часот)
Лил - Волфсбург (21:00 ч.)
Малме - Јувентус (21:00 ч.)
Виљареал - Атланта (21:00 ч.)
Среда:
Бешикташ - Борусија (18:45 ч.)
Шериф - Шахтјор (18:45 часот)
Атлетико - Порто (21:00 ч.)
Клуб Бриж - ПСЖ (21:00 ч.)
Интер - Реал (21:00 ч.)
Ливерпул - Милан (21:00 ч.)
Манчестер Сити - Лајпциг (21:00 ч.)
Спортинг - Ајакс (21:00 ч.)
