Британецот Лук Литлер (17) и Холанѓанецот Михаел ван Хервен (35) вечерва од 20:45 часот ќе играат во финалето на Светското првенство во пикадо.

Литлер и лани беше во финалето на Светското првенство, но загуби од својот истоименик Хемфрис, кој моментално е играч број еден во светот, а беше елиминиран во осминафиналето од Питер Рајт.
Талентираниот Литлер во полуфиналето го нокаутираше Стивен Бантинг со 6:1 во сетови и ова ќе му биде второ финале во вториот настап на Светските првенства.
Од друга страна, Ван Хервен игра одлично на овој турнир и британските медиуми пишуваа дека ова може да биде негово големо враќање на самиот врв на светското пикадо.
Тој синоќа во полуфиналето го совлада Англичанецот Крис Доби со доминантни 6:1 во сетови.
За трикратниот светски шампион Ван Хервен ова ќе биде шесто финале, но младиот Британец е миленик на обложувалниците.
Инаку, само со пласманот во финалето, пикаџиите обезбедија награди од 241.000 евра, а толку ќе добие и поразениот, додека победникот ќе си замине дома со 600.000 евра.
Luke Littler vs Michael van Gerwen in the #WorldDartsChampionship final. It's going to be box office. 🍿
— BBC Sport (@BBCSport) January 2, 2025
Where's your money?#bbcdarts pic.twitter.com/MQGl5Y12e8
Љубителите на пикадо во Македонија финалето ќе можат да го следат во директен пренос на Arena Premium 3.