Кога замислувате свадба од бајките, на ум ви доаѓаат слики какви што всушност постојат во едно фантастично место во Прованса.
Оваа магична зелена оаза со базен во кој веднаш сакате да скокнете е дел од величествениот Шато де Сан (Château de Sannes), основан во Луберон (Luberon), ридски масив во централниот ден на Прованса, на само 50 минути возење од Марсеј. Прованса е географски регион и историска провинција во југоисточниот дел на Франција.
Со своите 88 хектари, има неколку историски куќи кои датираат од XVII век, потоа сопствено лозје, фарма со маслинки, поле со лаванда и тартуфи, што го прави овој имот речиси нереално убав и совршено вклопен во околината.
Токму тука многу парови решиле да го кажат судбоносното ДА и затоа е една од најубавите локации за свадби во светот.
Имотот има неколку куќи пренаменети за престој, од кои највпечатлива е куќата со 8 луксузни соби. На имотот има и капела, така што гостите навистина не треба да одат на друго место кога ќе одлучат токму овде да ги прослават најубавите моменти.
Градини полни со цвеќиња, базени со вода, уредени патеки, „диви“ шуми, градина во француски стил, долини, ливади, езерца, винова лоза, маслинови полиња, градинарски ѕидови покриени со цвеќиња и плодови, од внимателно кастрени до целосно диви...
Градината Сан создава рамнотежа помеѓу умот и чувствата.
Оваа возбудлива претприемничка авантура на границата на Прованса и долината на Рона започна пред две години. Амбицијата на сопственикот беше да го истакне локалното наследство, почитувајќи ја природата (винаријата беше претворена во органско земјоделство за жетвата 2020 година) во прекрасен регион полн со историја.
Тие, исто така, произведуваат домашно маслиново масло, како и миризливи масла и парфеми, сите користејќи биодинамични земјоделски процеси.
„Од 2017 година, Пјер Гатаз ни даде поттик радикално да ја промениме нашата практика на негување и заштита на нашата лоза и нашата земја. Сè што правиме вклучува разбирање и почитување на рамнотежата помеѓу виновата лоза, растенијата, дрвјата, земјиштето и животната средина“, велат сопствениците на имотот, кои напорно работат на одржување на ова уникатно место за одмор, релаксација, уживање во храна и пијалаци, што воедно и најдобро го илустрира значењето на зборот хедонизам.
