Велешанецот кој побегна откако смртно прегази 11-годишно девојче призна вина пред судот

Триесетгодишниот велешанец Ангелче Николов, кој возејќи пијан на 17 декември лани во 22:15 часот на пешачки премин ја прегази 11-годишната Магдалена Иванова, која почина на местото на несреќата, а тешко ја повреди нејзината мајка, а потоа избега и два дена се криеше од полицијата, денеска на првото рочиште од судењето во Основниот суд во Велес ја призна вината и му се извини на семејството на девојчето.

-Признавам вина и се каам за стореното дело  и му се извинувам на семејството и на јавноста, рече Николов.

Тој побара поблага казна, и додаде дека е свесен за последиците од признанието, добивањето на затворска казна, како и плаќањето оштета и трошоци.

Поради тоа што обвинетиот го призна делото не беа сослушани сведоци.

Неговиот адвокат Андреја Весов не сакаше да ја коментира можната пресуда и пред новинарите изјави дека останува да ја чека пресудата која ќе биде изречена овој петок во 12 часот.

-Обвинетиот си го призна делото во целост искрено се покаја свесен е за последиите од кривичното дело и за санкцијата, рече адвокатот Весов.

Обвинителката Славица Темелковски воедно побара од Судот при изрекување на пресудата да има предвид и тоа дека Ангелче Николов претходно два пати бил казнуван за возење во алкохолизирана состојба и што по несреќата два дене се криел од полицијата.

Таа за новинарите информира дека Николов во моментот кога го возел „мерцедесот“ бил со одземена возачка дозвола и во алкохолизирана состојба.

-После воведниот говор обвинетиот ја призна вината за сторените кривични дела. Ова не е некоја новина бидејќи и при давањето на исказот во текот на истражната постапка обвинетиот и тогаш го призна извршувањето на двете кривични дела. Исходот зависи од одлуката на Судот, појасни обвинителката Темелковски.

Правниот застапник на семејството на загинатото девојче, Јанаки Митровски, од Обвинителството побара да се истражи кој два дена го криел сторителот и истовремено не се согласил ни со квалификацијата на повредата на мајката на Магдалена. Митровски наместо лесна барал одговорност за тешка телесна повреда.

-Не сум јас тој што треба да суди распонот на санкција којашто може да ја добие обвинетиот е 4 до 20 години затвор. Точно е тоа што го кажа колешката дека поднесов кривична пријава против тројцата останати сопатници во возилото за време на несреќата, рече Митровски.

Семејството на 11-годишната Магдалена Иванова која трагично загина во несреќата на 17 декември лани се приклучија на прогонот, но денеска поради голема болка не без присутни на судењето. Според нивниот адвокат не сакале да присуствуваат со што ќе ја продлабочат својата болка.

Tешката  несреќата се случи на 17 декември лани  вечерта во 22:15 часот  на улицата „Борис Трајковски“ во близина на Основното училиштето „Васил Главинов“ во Велес, каде што учеше и девојчето.

Во тој момент сега обвинетиот Ангелче Николов, кој возел со голема брзина, не застанал на местото на тешката сообраќајна несреќа туку продолжил да вози. Тој по два дена  криење од полицијата сам се пријави во Полициска станица Велес.

Судијката Габриела Гајдова пресудата за обвинетиот Ангелче Николов ќе ја изрече во петок во 12 часот.

реклама

6 симптоми дека имате дефицит на витамин Д во вашето тело

Read more

Откриен потонат брод стар 3.300 години, со стотици недопрени амфори

Read more

Грција во сè поголеми проблеми поради масовниот туризам

Read more

Се појави нов сој на коронавирусот

Read more

Хроника

Притвор за велешанец кој ја претепал мајка си и ѝ се заканувал со нож

Read more

Планинарска спасителна служба извлече повреден турист во Охридско

Read more

ЦУК: 15 пожари гореле на отворено низ Македонија

Read more

Исчезнаа седум Непалци кои работеле во скопски фирми

Read more
 

Вести

Цените на нафтата се зголемија до 86 долари за барел

Читај повеќе

Сончево време со температури до 40°C, в понеделник краткотраен пороен дожд и грмежи

Читај повеќе

Како снема струја на Балканот?

Читај повеќе

Пресуда против најбогатото семејство во Велика Британија

Читај повеќе

Барселона планира да забрани изнајмување станови на туристи

Читај повеќе

Град Скопје: Не сме надлежни за постапување во случаите со змии

Читај повеќе

Македонка загина во тешка сообраќајка во Грција

Читај повеќе

Грција во сè поголеми проблеми поради масовниот туризам

Читај повеќе

Путин ѝ се закани на Јужна Кореја

Читај повеќе