Британската влада почна да издава пасоши без ознаката за Европска Унија, иако Велика Британија уште официјално е членка на блокот, објави Guardian.
Весникот наведува дека Владата ја тргнала ознаката од пасошите издадени изминатата недела под претпоставка дека Британија ќе излезе од ЕУ на 29 март.
Министерството за внатрешни работи соопшти дека тргањето на зборовите „Европска Унија“ е дел од двофазниот процес на редизајнирање на пасошите што ќе кулминира со издавање на патни исправи со сина боја кој крајот на годината.
„Пасошите со темноцрвена боја на кои веќе нема ознака за ЕУ почнаа да се издаваат на 30 март“, стои во соопштението.
Истиот извор вели дека за краток временски период ќе се продолжи со издавање на пасоши со ознака за ЕУ, но дека граѓаните ќе може да бираат дали сакаат лична исправа со или без ознаката.
Граѓаните кои ги добија првите пасоши без ознаката за ЕУ бурно реагираа на социјалните мрежи:
