Се работи за сообраќаен знак кој покажува забрането претекнување на велосипедисти и мотоциклисти.
Овој сообраќаен знак неодамна беше поставен во Штутгарт, на улица која има и посебна лента за велосипедисти и мотоциклисти одвоени со испрекината линија.
Бидејќи конфигурацијата на коловозот поради недостаток на широчина на некои места не дозволува нормално поминување на автомобили или најмалку 1,5 метри странично растојание (при претекнување) пропишано со закон, на овие места е забрането престигнување. Казната за прекршителите е 70 евра.
Во пракса, овој знак практично сугерира дека на некои делници, најбавниот учесник во сообраќајот - велосипедистот, ќе ја диктира брзината на сите возила.
Несомнено е дека големите промени во автомобилската индустрија, како и зголемениот број на различни лични возила, заедно со подигнувањето на нивото на еколошката свест, влијаат на промените во сообраќајот во многу градови. Се менуваат и улиците каде моторизираните возила полека го губат привилегираниот статус.
Ова е особено видливо во градските центри, каде што се прават напори автомобилите целосно да се отстранат од сообраќајот за да им се отстапи место на пешаците и на поеколошките лични возила.
Германија, како и некои други земји во Западна Европа и Скандинавија, веќе работат на тоа.
Возачите секако не се задоволни, а прашање е дали ова е иднината на сообраќајот?
