Францускиот велосипедист Жоан Офредо (30), член на белгискиот тим Wanty-Groupe Gobert, е нападнат за време на тренинг во предградие на Париз, при што му е скршен носот и едно ребро.
Офредо бил нападнат со бејзбол палка за време на тренинг на југот на Париз.
Французот тренирал со двајца колеги, кога на нив налетал автомобил и за малку не ги прегазил. Возачот запрел, а од возилото излегол сопатникот и со бејзбол палка неколку пати го удрил несреќниот велосипедист. Полицијата брзо стигнала на местото на инцидентот и поднела пријава против напаѓачот.
„Шокиран сум, 15 години тренирам велосипедизам и вакво нешто никогаш немам доживеано. Се обидев да разговарам со возачот, но наместо троа добив удар во главата“, рече францускиот велосипедист.