Во Дневниот билтен на настани на МВР е објавено дека на 28.07.2020 во 20:00 часот, на велосипедската патека на кејот на реката Вардар во Скопје се случила незгода помеѓу два велосипеда.
Едниот велосипед бил управуван од С.А.Д.(52), а другиот од Н.К.(35), и двајцата од Скопје.
По незгодата, велосипедистите биле пренесени во Комплекс клиники „Мајка Тереза“, каде на С.А.Д. ѝ биле констатирани тешки телесни, а на Н.К. телесни повреди.
Увид на местото на незгодата извршила екипа на СВР Скопје.