Тренерот на Арсенал Арсен Венгер, на конференцијата за новинари, призна дека Алексис Санчез и Месут Озил можат да бидат продадени и тоа уште во јануари.
Тренерот на „Топџиите“ вели дека Арсенал ќе ја зеде во предвид секоја опција која ќе и биде понудена во јануари, како и тоа дека е можно заминувањето на Санчез и Озил.
Договорот на овие двајца фудбалери со Арсенал истекува на крајот од тековната сезона, па доколку клубот од Северен Лондон не успее да ги продаде овие двајца играчи во јануарскиот трансфер период, тие следното лето ќе го напуштат клубот како слободни играчи.
„Во нашата ситуација морате да ги земете во предвид сите опции. Возможно е во јануари да ги продадеме Алексис Санчез и Месут Озил доколку тие не го продолжат договорот со Арсенал“, изјави Арсен Венгер.
На оваа конференција за новинари францускиот експерт го потврди и враќањето на Дени Велбек во тимот за мечот против Вотфорд, кој „Топџиите“ го играат во сабота со почеток од 18:30 часот.
