Како што пренесува „Мундо Депортиво“, Тренерот на Арсенал, Арсен Венгер, одлучил решение за едно од своите најгорчливи прашања во тимот да побара на „Камп Ноу“.
Петар Чех е веќе во изминати играчки години, оваа сезона бележи се послаби партии, па се повеќе се шпекулира околу негов потенцијален наследник.
Голем број на голмани беа поврзувани со Арсенал, а според последните информации следното летно на „Емирејтс“ би можел да пристигне голманот на Барселона Каспер Цилесен.
Холандскиот репрезентативец во тимот на Каталонците е во сенка на одличниот Марк Андре Тер Штеген, не добива премногу прилика, па јасно е дека понуда од некој голем тим од Премиер лигата би можела да го натера да ја промени средината.
За неговите услуги постои голем интерес, односно како што пренесуваат бројни светски медиуми, Цилесен се наоѓа на листата на желби и на Баерн Минхен, како и на Челзи, Манчестер Јунајтед и Сити, што значи дека Венгер за неговиот потпис ќе има пеколна конкуренција.
Како најголем ривал на Арсенал за потпис на Цилесен се смета Барн Минхен, бидејќи Баварците се решени да доведат уште еден квалитетен голман, како последица на се почестите повреди кои ги доживува Мануел Нојер.
Цилесен наводно во договорот со Барса има откупна клаузула во вредност од 60 милиони евра, па ќе видиме дали Арсенал е подготвен да плати толку за нов чувар на мрежата или ќе се обиде со управата на Барселона да преговара за цената.