Американците можат да здивнат, едно е сигурно ќе имаат Американка во финалето на УС Опен.
Венус Вилијамс во еден фантастичен натпревар од четвртфиналето во рамките на отвореното првенство во САД ја совлада Петра Квитова со резултат од 6:3, 3:6 7:6.
Слободно може да се каже дека средбата меѓу Вилијамс и Квитова беше финале пред финалето. Двете тенисерки одиграа атомски тенис со многу одлични поени на општо задоволство на публиката.
Иако Квитова се бореше до крај, сепак Венус беше таа која ја однесе победата после три сета.
Интересно е тоа што и нејзината следна противничка во полуфиналето, Слоун Стивенс, победи во четвртфиналето со идентичен резултат.
Двете Американки во полуфиналето ќе го дадат одговорот за тоа која од нив ќе ја гледаме во големото финале, но што и да се случи едно е јасно, Венус Вилијамс и на 37 години не застанува и успеа да стигне до своето 23 гренд слем полуфинале, воедно и прво во Њујорк после седум години.