Италијанскиот фудбалер Марко Верати по повеќе од десет години размислува за заминување од ПСЖ, а неговата ситуација будно ја следат челниците на Јувентус.
Тензиите во ПСЖ се зголемија откако парижаните испаднаа од Лигата на шампионите, а многу играчи беа жестоки критикувани. Меѓу нив е и 30-годишниот Верати, кој ја одигра секоја минута од двомечот против Баерн.
Верати е член на ПСЖ од јули 2012 година и има 407 настапи, но сè повеќе се шпекулира дека сака да ја промени средината. Calciomercato пренесува дека критиките му пречат и дека размислува за заминување од клубот.
Во моментов ПСЖ нема намера да го продаде одличниот играч за врска, но тоа би се разгледувало на барање на играчот. Јувентус трпеливо го чека развојот на ситуацијата и е подготвен да ја искористи шансата да го доведе во своите редови.