Под слоганот „Враќање. Во иднината.“ (Ritorno. Al futuro.) калчолигашот од Верона го претстави пред јавноста своето ново лого кое ќе ги краси клупските бои.
По 25 години клубот Верона доби ново лого. Од 1 јули годинава промената ќе стане официјална, а поводот е клубот да биде во тек со модерното дома. Новото лого е едноставно и модерно, но и не личи баш на фудбалско.
Од клубот изјавија дека сакаат двата претстојни јубилеи да ги прослават со модерно лого. Во 2023 година клубот слави 120 години од формирањето, а во 2025 е 40-годишнината од освојувањето на првото и засега единствено Скудето.
„Новото лого претставува модерна еволуција на амблемот избран во 1995, кој најпрво беше во четири бои (жолта, сина, бела, црна) и кој потоа стана со седум бои (жолта, сина, бела, златна, зелена, црвена, црна). Редизајнирањето има за цел да го поедностави и популаризира брендот Верона: само две бои, жолта и сина и бесконечни можности за монохроматска употреба. Карактеристиките се инспирирани од старото лого уште од 1984, она на Освалдо Бањоли“, стои во клупското соопштение.
Нормално, веднаш почнаа да циркулираат и маски со новото лого.
Сите досегашни логоа на клубот од градот ан Ромео и Јулија:
