Лидерот во поредокот сезонава, Макс Верстапен, вели дека требало да победи на трката за Големата награда на Саудиска Арабија доколку немал проблеми со сигурноста поради што било попаметно да ја контролира предноста пред останатите и да ја заврши трката како втор.
На Верстапен во саботата му се случи квар на погонската осовина, поради што во неделата стартуваше како 15-ти, но во текот на трката без проблем се проби до второто место зад својот колега Перес, па на крајот остварија еден-два победа.
Иако имаше 25 круга за да го стигне и претрка Перес, Верстапен не успеа значително да го намали заостанувањето кое беше помеѓу 4,5 и 6 секунди, особено откако пријави чуден звук и вибрации кои го потсетија на проблемите од квалификациите.
„Почетокот на трката беше малку незгоден, беше тешко да се прати низата болиди бидејќи имаше многу малку адхезија“, вели Верстапен кој во последниот круг извозе најбрз круг и го задржа водството на табелата.
„Во еден момент сѐ малку се усложни, можев да отидам напред и безбедносниот автоимобил малку ми помогна. Целта беше да бидеме мирни и да претекнуваме еден по еден болид. Во принцип, овој пат второто место беше главната цел. Овој ден беше за враќање на она што беше возможно. Да се квалификував на првото место сѐ ќе изгледаше многу поинаку. Чеко (Серхио Перес) го стигав пред крајот на трката, но сметавме дека тоа нема да биде доволно за до крајот на трката да го надокнадам заостанувањето зад него. Почнав да чувствувам вибрации во круговите во кои го стигнував и се обидував да притиснам, почнав да чувствувам некоја нестабилност во болидот“, раскажува Верстапен.
Откри и дека требало да победи...
„Понекогаш подобро е сам себе да си кажеш дека е подобро дома да донесеш второ место. Како тим мораме да работиме на тоа двата болида да бидат сигурни бидејќи имаме многу брз болид, но сепак мислам дека можеме да завршиме подобра работа. Во спротивно ќе беше многу поразлична трка за мене. На крајот малку ја ограничивме штетата, но тука требаше да победам. Сите се среќни, но јас особено на сум затоа што не сум тука за да бидам втор. Кога се борите за титулата, а особено кога се чини дека борбата е само помеѓу два болида, морате да се погрижите тие два болида да бидат безбедни“, додаде Холаѓанецот.
Наредната трка во Ф1 календарот е за Големата награда на Австралија, во Мелбурн на 2 април.
„Сакам мирен викенд во Мелбурн за максимално да искористиме сѐ што можеме. Задоволен сум како моментално ни оди, но сезоната е долга“, заврши Верстапен.
Ова беше седма двојна победа за Ред Бул откако Перес стигна во тимот во 2021 година - пет остварија минатата 2022 сезона и две оваа. Но, ова е прва таква победа во која Перес заврши пред Верстапен.
