Актуелниот светски Формула 1 шампион, Холанѓанецот Макс Верстапен, во болид на Ред Бул славеше на трката за Големата награда на Мексико на патеката крај главниот град Мексико Сити.
Со оваа победа Верстапен постави нов светски рекорд за број на поберди во една сезона со оглед на тоа што ова за него беше 14-то славје сезонава, со што стана прв возач во историјата кому вакво нешто му успеало.
Со досегашните 13 победи 25-годишниот Холанѓанец беше израмнет со легендарниот Михаел Шумахер кој тоа го направи во 2004 година, како и Себастиан Фетел во 2013 година.
Верстапен сезонава триумфираше на трките во Саудиска Арабија, Емилија-Ромања, Мајами, Шпанија, Азербејџан, Канада, Франција, Унгарија, Белгија, Холандија, Италија, Јапонија, САД и Мексико.
„Неверојатно, каква сезона, и каква фантастична трка! Остварувањето на 14 победи во сезона е благодарение на напорната работа на сите во тимот, продолжуваме напред“, твитна холандскиот возач.
Со оглед на тоа што до крајот остануваат уште две трки, оние во Саун Пауло и Аби Даби, Верстапен може и да го подобри рекордот. Засега неговиот скор е 14 победи од 20 трки. Не успеа да победи само во Бахреин, Австралија, Монако, Британија, Австрија и Сингапур.
