Ракомет

Веспрем му се реваншира на Еурофарм за поразот во Битола

11. декември 2019 - 19:18 | МИА

Веспрем, 11 декември 2019 (МИА) – Екипата на Еурофарм Работник од Битола вечера доживеа висок пораз на гостувањето кај Веспрем со резултат 35:24 во 9.коло од СЕХА лигата.

На овој начин унгарскиот тим во целост им се реваншира на битолчани за поразот (24:26) во октомоври.

Најефикасни во домашниот тим беа Драган Гајиќ и Андреас Оливер Нилсон со по пет погодоци. Македонскиот репрезентативец Дејан Манасков беше стрелец на четири гола.

Кај Еурофарм се истакна Михаил Петровски со четири гола.

На табелата во Б-групата Веспрем е лидер со 21 бод, Мешков Брест е втор со 18, ППД Загреб има 15, Еурофарм и Металопластика имаат по 9, последен е Спартак Москва со само 3 бода. 

Коментирај