Денвер Нагетс доби големо засилување во паузата меѓу две сезони. Нов играч на Нагетс стана Расел Вестбрук. Медиумите во САД шпекулираат дека Никола Јокиќ инсистирал Вестбрук да дојде во Денвер.
Искусниот плејмејкер на почетокот на подготовките се соочи со првата непријатност во Колорадо. Вестбрук во Денвер нема да го носи на дресот омилениот број.
Освен сезоната во Вашингтон Визардс, практично во текот на целата кариера, Вестбрук ја носеше нулата (во Оклахома Сити Тандер, Хјустон Рокитс, Лос Анџелес Лејкерс и Лос Анџелес Клиперс).
Нулата во Денвер Нагетс е зафатена, ја носи Крисчн Браун, кој не сакал да се откаже од својот број.
Затоа Вестбрук ја зеде четворката, која ја носеше и во Вашингтон, а која во Денвер ја носеше Хантер Тајсон, кој во новата сезона ќе го носи бројот 5.
