Чуден инцидент се случи на 12 април на фреквенцијата на Националниот аеродром Роналд Реган во Вашингтон, а снимката е снимена и објавена од порталот ATC.com. Видеото ги прикажува пилотите како мјаукаат и лаат на фреквенцијата на контролата на летање. Пилотите брзо беа опоменети, а друго лице на истата фреквенција им рече: „Треба да бидете професионални пилоти“. Тие одговорија на опомената со уште мјаукање и лаење.
„Затоа сè уште летате со RJ“, додаде истото лице. Кратенката „RJ“ е кратенка за регионален млазен авион, а многу пилоти стекнуваат искуство рано во својата кариера во регионалните авиокомпании.
Федералната администрација за воздухопловство (FAA) соопшти дека прописите им забрануваат на пилотите „да се вклучуваат во ирелевантни разговори под 10.000 стапки“ и дека агенцијата истражува какви било ситуации во кои пилотите можеби ги прекршиле правилата. FAA додаде дека аудио-снимката од мјаукањето доаѓа од надворешен извор, но дека ќе започнат истрага откако ќе ја потврдат нејзината автентичност.
@cbsnews Two pilots appeared to make meowing noises and dog barks as they communicated with each other before air traffic control at Ronald Reagan Washington National Airport called them out on Sunday. "You guys, you need to be professional," an air traffic controller is heard saying. #pilots ♬ original sound - cbsnews
Денис Таџер, пилот и портпарол на Allied Pilots Association, синдикатот што ги претставува пилотите на American Airlines, рече дека претходно слушнал мјаукање на таканаречената „guard“ фреквенција. Тоа е фреквенција што пилотите и контролорите ретко ја користат бидејќи е резервирана за итни случаи.
„Не е забава, туку е сериозна фреквенција со сериозна цел“, рече Таџер. „Сè што ја загадува со празен хумор или шеги од каков било вид не е добредојдено и мора да престане.“
Таџер, исто така, испрати порака до пилотите кои се однесуваа несоодветно: „За малкуте поединци што го прават ова: прекинете, придружете ни се, летајте безбедно и да ја чуваме таа фреквенција света и заштитена.“
