Илон Маск објави резултати од новиот тест за дрога, овој пат врз основа на анализа на коса, и уште еднаш рече дека обвинувањата за неговата наводна консумација на наркотици се лажни.
„Новинарите од WSJ и New York Times бесрамно лажеа за мене. Ајде сега да ги видиме резултатите од нивниот тест за дрога. Ќе пропаднат“, напиша Маск на социјалната мрежа X, објавувајќи слика од наодите на лабораторијата.
Резултатите покажуваат дека неговиот примерок од коса не покажал траги од ниту една од 17-те тестирани дроги, вклучувајќи кокаин, кетамин, марихуана, MDMA, фентанил и опијати. Наодот е потпишан од д-р Стивен Пашал, лиценциран лекар.
Станува збор за тест спроведен од лабораторијата за тестирање на дрога на Соединетите Американски Држави, а примерокот е земен на 11 јуни.
The WSJ & New York Times fake “journalists” lied through their teeth about me.
— Elon Musk (@elonmusk) June 18, 2025
Now let’s see their drug test results.
They will fail. pic.twitter.com/QvLRWyHbSC
NYT и WSJ претходно тврдеа дека тој користи дроги
Потсетуваме, New York Times претходно оваа година објави дека Маск наводно земал кетамин, екстази и халуциногени печурки за време на минатогодишната изборна кампања. Статијата се базираше на приватни пораки и интервјуа со повеќе од десетина луѓе кои го познаваат или работеле со него.
Tha Wall Street Journal минатата година објави дека Маск повремено користел дроги во минатото, што предизвика загриженост кај некои членови на одборот на директори на Tesla - неговата компанија за електрични возила. Меѓу споменатите супстанции беше и Ambien, лек за несоница.
Маск претходно јавно призна дека повремено користи мали дози на кетамин за, како што вели, да ги контролира депресивните тенденции и да работи поефикасно.
