Откако американскиот претседател Доналд Трамп завчера го претстави новиот трговски договор со Обединетото Кралство, цената на биткоинот скокна над 100.000 долари за прв пат од февруари.
Според CoinMarketCap, цената на биткоинот моментално е 103.032 долари. Цената порасна за повеќе од 6 проценти во последните седум дена, што повеќето аналитичари го припишуваат на напредокот на трговските преговори на САД со други земји.
Биткоинот не се тргувал над 100.000 долари од 7 февруари. Вредноста на најголемата криптовалута во светот се зголеми за повеќе од 9 проценти оваа година, но сепак е под рекордното ниво од 109.026 долари достигнато на 19 јануари.
Патем, трговскиот договор меѓу Американците и Британците резултираше и со пораст на берзанските индекси на Волстрит. Индексот Dow Jones с порасна за 0,62 проценти на 41.368 поени, додека S&P 500 порасна за 0,58 проценти на 5.663 поени, а индексот Nasdaq порасна за 1,07 проценти на 17.928 поени.
