Унгарија ќе купи вкупно четири милијарди кубни метри течен природен гас од францускиот енергетски гигант Engie помеѓу 2028 и 2038 година, изјави денеска унгарскиот министер за надворешни работи Петер Сијарто.
„Ова ќе послужи како важен столб на енергетската безбедност на Унгарија“, рече Сијарто откако претставниците на францускиот енергетски гигант Engie и унгарскиот MVM го потпишаа договорот во Будимпешта, објави Reuters.
Унгарскиот министер брзо се огласи на социјалните медиуми.
„Потпишавме најдолготраен договор за течен природен гас (LNG) во Унгарија: од 2028 година ќе купиме 4 милијарди кубни метри гас во период од 10 години од ENGIE“, објави Сијарто на X.
„Нашето снабдување со енергија е безбедно само ако можеме да увезуваме од што е можно повеќе извори и правци. Диверзификацијата значи додавање нови извори, а воедно одржување на постојните“, нагласи Сијарто.
We signed Hungary’s longest-term LNG contract: from 2028 we will buy 4 bcm of gas over 10 years from @ENGIEgroup. Our energy supply is safe only if we can import from as many sources and routes as possible. Diversification means adding new sources while keeping existing ones. pic.twitter.com/bX84vrtlSV
— Péter Szijjártó (@FM_Szijjarto) October 2, 2025
