Двајца малолетници вчера биле нападнати од насилници со фантомки на стадионот „Борис Трајковски“ во населбата Маџари.
Според информациите на МВР, вчера во 13:15 часот Е.О. (37) од Скопје пријавила дека на подрачјето на Маџари нејзиниот малолетен син, кој бил заедно со уште двајца негови другари кои заминале на фудбалскиот стадион „Борис Трајковски“ да гледаат фудбалски натпревар, бил физички нападнат од неколку лица со фантомки, најверојатно малолетници, кои употребиле и тврди предмети, а двајца од нив снимале и со мобилен телефон.
Се преземаат мерки за расчистување на случајот.
На стадионот „Борис Трајковски“ од 13 часот пријателски натпревар играа екипите на Работнички и Шкупи, а дуелот заврши со 5:2 победа на „Романтичарите“.
