Наградата за култура за 2026 година е доделена постхумно на Бела Бан.
Во рамките на годишните културни награди што ги доделува австрискиот регион Кернтен/Корошка, при што секоја година финансиски се поддржуваат уметници во 8 различни категории, оваа година владата на регионот по предлог на културниот гремиум одлучи наградата за литература да му ја додели на македонскиот писател Давор Стојановски.
За време на состанокот на кабинетот во вторникот, владата на Корошка, една од деветте сојузни покраини во Република Австрија, одлучи дека овогодишната Награда за култура на Корушка ќе ѝ биде доделена на уметницата Бела Бан. Бан почина на 30 јуни на 68-годишна возраст.
Дванаесет други уметници и културни дејци ќе бидат наградени од покраината во декември со награди за благодарност, признание и поддршка. Вкупниот паричен фонд на наградите изнесува 91.000 евра. Една од наградите за поддршка, секоја во вредност од 5.000 евра, ќе му биде доделена на Стојановски.
„Каква чест и голема радост – доделена ми е награда за литература во Австрија! Во рамки на годишните културни награди на регионот Кернтен/Корошка, меѓу поддржаните уметници од 8 различни категории, мене ми е доделена наградата за литература. Се заблагодарувам од срце!“, сподели Стојановски на социјалните мрежи.
Ова е прв случај наградата да ја добие автор што не е роден во регионот и што не твори на еден од двата тамошни официјални јазика – германски или словенечки. Наградата ќе му биде доделена во декември на свечена церемонија во Клагенфурт/Целовец.
Како и во претходните години, номинациите за добитниците на наградите ги направи Комитетот за култура на Корошка, а одлуките беа донесени на 15 јуни. Самата церемонија на доделување награди е закажана за 4 декември. Заменик-гувернерката Габи Шауниг (SPÖ), која е одговорна за културните прашања, му се заблагодари на Комитетот за култура за изборот и номинациите. Шауниг рече дека е болно што уметницата не доживеала да го види Комитетот за култура на Корошка како ја донесува својата одлука пред нејзината смрт. Номинациите беа соопштени на 15 јуни.
Давор Стојановски (Скопје, 1987) е романсиер, поет, драмски автор и музичар. Магистрирал на Катедрата за македонска книжевност на факултетот „Блаже Конески“. Работел како копирајтер и уредник. Преведува од словенечки на македонски. Добитник е на Роман на годината на „Утрински весник“ за „Собирачи на пепел“ (2016), финалист за Роман на годината на Фондацијата „Славко Јаневски“ за „Ноќите кога заспивавме во Помпеја“ (2021), бил номиниран за Наградата на ЕУ за литература (2020) и во најтесен избор за наградата „Ацо Шопов“ на ДПМ, како и македонски кандидат за наградата Балканика за 2021 г. Неговата драма „Грејс Кели не пие бамбус“ (2021) беше избрана и препорачана за превод од мрежата ЕУРОДРАМ. Автор е на воведниот есеј на австриското списание за култура Brücke за 2026 г. на тема „невидливи литератури“. Живее во Кернтен/Корошка во Австрија. Поранешен член е на бендот Foolish Green. Или-Или е издавач на романите: „Ненасловена месечева соната“, “Собирачи на пепел“, “Утеха за голите“ и „Ноќите кога заспивавме во Помпеја“.
